Прибирање податоци од земјоделските стопанства
Националната мрежа за прибирање на сметковотствени податоци од земјоделските стопанства се надоградува.
Средства за овој проект беа обезбедени од Европската Унија, а податоците кои се добиваат од фармерите се обработуваат и се користат за креирањето на земјоделската политика.
Прецизни податоци за рентабилноста на фармите, производствените трошоци и остварените приходи, се дел од националната мрежа за прибирање сметководствени податоци од земјоделските стопанства, таканаречената ФАДН.
Проектот за Прибирањето на податоците, беше финансиран со средства од европските предпристапни фондови и почна во 2010 година со репрезентативен примерок од 300.000 земјоделски стопанства.
Тој број сега е зголемен на 700.000, а фармите се класифицирани по економска големина и по типот на производството.
ФАДН или националната сметководствена мрежа е единствената база за економско-финансиски податоци од земјоделските стопанства во земјава.
Нејзиниото функционирање ќе се надоградува со можност за креирање ефикасни земјоделски политики, следење на трендовите и промените во аграрниот сектор за поголеми приходи и поголем профит на земјоделците.
На неодамнешната национална конференција за ФАДН беа презентирани резултатите и досегашното работење и ефикасноста на системот.