Прво промотивно издание

Алпинистички клуб „Патагонија“ и Општина Охрид, во недела на 27 октомври 2019  го организираат првото промотивно издание на  „Ohrid Outdoor Festival“. Целта на фестивалот е заедничко дружење и  уживање во убавините на Охрид и планината  Галичица , возејќи велосипед или искачувајќи го врвот со најубав поглед кон двете езера.
Планинарската тура започнува во  8:30 часот од СРЦ „Билјанини извори“, со обезбеден бесплатен автобуски превоз до превојот „Баба“ и пешачење до врвот  „Лако сигној“ на  1981 метри надморска височина, а во исто време од истото место почнува велосипедската тура  преку Велестово- Крстец-Асанѓура.
По завршување на турите, во 14:30 часот за учесниците и за сите присутни во Охрид  ќе биде организирана забава крај брегот на езерото  кај Центарот за обука на вода, на која ќе настапи охридскиот бенд „BALTER“.
За безбедноста на учесниците за време на бесплатните тури, ќе се грижат тимови од Планинската спасителна служба при Црвен крст- Охрид, а ќе ги водат професионални водичи во планина.
Сите заинтересирани треба да поседуваат лична опрема за планина, соодветна на временските услови, а своето учество можат да го пријават на  [email protected] , со назнака за велосипедска или планинарска тура.

Анита Никушева- Јованчев