Нуркачки клуб „Амфора“

Нуркачи од Охридксиот нуркачи клуб „Амфора“ , викендов  нуркаа во Големото езеро на Пелистер (Пелистерски очи) кое спаѓа во леднични езера. Во најголем водостој   долго е 233 метри, широко 196 метри, а најголемата длабочина изнесува 14.5 метри.

Иако видливоста беше ограничена поради планктон, под вода можат да се забележат воени ашовчиња, гранати, рачни бомби, цевки од пушки и пастрмки кои преживуваат и во најекстремни услови кога езерото замрзнува. За ова нуркање   потребен бил  специфичен профил кој го изработил искусниот нуркач  Јован Секуловски SSI AI Trainer.

Во организација на Планинарскиот дом „ Димитар Илиевски-Мурат“  и Националниот парк Пелистер експедицијата  се реализираше  успешно.

Анита Никушева - Јованчев