Победа за шахистите, пораз на шахистките

Македонската машка репрезентација денеска ја совлада селекцијата на Словачка со 2,5 спрема 1,5. Панчевски освои цел поен со црни фигури, а ремизираа Георгиев, Недев и Николовски. За нас тоа беше втора победа на шампионатот, за симетричен ефект 2-2-2 по шест настапи и 21-во место на табелата во конкуренција на 40 репрезентации. Во утрешното седмо коло ќе играме со Шпанија.

Дамите, пак, се на дното иако денеска одиграа нерешено со Швајцарија 2-2. Победија Бејатовиќ и Коскоска со бели, а загубија Стојковска и Манова со црни фигури. Македонските шахистки имаат две нерешени и четири порази досега во пресрет на утрешното соочување со Финска.