Каков бенефит имаме од лековитите печурки

Најстарата позната печурка e  ganoderma lucidum   или реиши, а  во Јапонија ја нарекуваат печурка на бесмртноста. Печурката грифола  во древната Јапонија вредела исто колку и среброто, а во Египет, печурките му биле достапни само на племството.

Древните медицински традиции во цел свет ги препознале и хранливите вредности на печурките. Освен за  медицински цели се користат и како состојки во многу традиционални јадења и  чаеви. 5 децении на назад научниците активно се бават со истражувања за лековитоста на печурките. Посебен интерес покажале за ефикасност на печурките во лекувањето против вирусни  и канцерогени заболувања. 

 Лековитите печурки содржат многу биолошки активни состојки како фитостерол, бетулинска киселина, бетулин, стотина видови полисахариди,  бета глукан, меланин, сапонин, германум и ланостерол. Содржат и многу вредни нутритиенти за нашето тело како магнезиум, хром, железо, витамини од групата Б. Богати се и со витаминот Д-нутритиент кој според истражувањата игра важна улога во работата на имуниот систем за заштита од канцерогени клетки.

Бетулинската киселина заедно со бета-глуканот,  ги врзува клетките на ракот за рецепторите и овозможува нивно препознавање и уништување.

Ги  уништува белковините во клетките на ракот и така не можат да растат. Затоа од лековитите печурки се прават препарати и екстракти со изолирани корисни состојки за лекување. Овие печурки помагаат и во надминување на  кардиоваскуларни заболувања . Така на пример Реиши печурката е познат лек за срце, против мозочни удари и висок крвен притисок. Бартон Голдберг, стручњак за алтернативна медицина, објавил студија во која пациентите со висок притисок само по 4 недели консумирање од реиши печурките по два пати дневно, успеале значително да го спуштат притисокот.

Истражувањата ја потврдиле успешноста на лекувањето против грипови и настинки. Позитивно делува и на вирусот за херпес , за ХИВ и за хепатитис.  Лековитие печурки имаат таканаречено имуномодулаторно делување. Автоимуните заболувања се јавуваат поради неправилна  реакција на имуниот систем  кога ги напаѓа и ги уништува сопствените клетки наместо натрапниците во организмот. Затоа овие печурки многу помагаат кај автоимуните болести како алергии, лупус, дерматитис, псоријаза и артритис. Нивното дејство се зголемува со присутност на витамин Ц. Лековитите печурки помагаат уште и за памтење, концентрација, регулирање на шеќерот во крвта,  го отстранува уморот, несоницата, слабоста, ја подобруваат регенерацијата на црниот дроб, лекуваат алергии, астма, ја подобруваат циркулацијата, лекуваат артритис и реума, ја подобруваат издржливоста и сексуалните функции и ги ублажуваат нуспојавите од хемотерапија.

Стотици видови печурки имаат лековито дејство но ќе споменеме само неколку.

 Реиши или ganoderma lucidum  е една од најценетите и најлековитие печурки која веќе 2000 години се користи во традиционалната кинеска медицина за сузбивање на разни болести . Затоа и била наречена печурка на бесмртноста.  Има антибактериско, антивирусно и антивоспалително дејство. Го намалува и холестеролот и притисокот.
Маитаке или грифола.печурката е огромна и може да тежи до 20 килограми. Во Јапонија е речиси задолжителен додаток во исхраната. Во превод името и значи танцувачка печурка. Легендата вели дека името го добила по тоа што луѓето што ја пронашле играле од радост,  зашто добивале сребро колку што тежела печурката.

Маитаке е успешна во борбата против тумори, при хемотерапија, го јакне имунитетот,  за притисок,  дијабет, хепатит. На пазарото најчесто ја има во форма на капсули, таблети и екстракти во прав.   

Кордицепс милитарис позната уште како печурка гасеница е паразитска габа, која расте како натрапник на инсектите најчесто на молците,. Има антидепресивни и антитуморни својства. Поволно делува на црниот дроб и на бубрезите.

Шитаке печурката е најпозната на нашиот пазар, таа се јаде и е омилена во кулинарството, Богата е со протеини, јаглехидрати, влакна. Содржи повеќе аминокиселини од месото , изобилиува со А, Б, Ц и Д  витамините, минерали како калциум, натриум, калиум, железо, цинк и фосфор.  Ги има сите досега наброени својства за разни болести и ја сперчува и тромбозата.

Чага е паразитска печурка, која најчесто расте на брезите, Ја има во северните предели на Русија, Кореја, Северна Америка, и Канада. Таа е исклучителен антиоксиданс, со силно антивоспалително дејство, успешна во борбата против рак, псоријаза и најопасните вирусни заболувања.    

Лавјата грива ги ублажува болестите на нервниот систем. Многу е специфична со бели реси и личи на грива , а позната е како врвен деликатес за јадење, и добра е за органите за варење, како и за сите други наброени заболувања.

Сепак алтернативното лекување  со печурки нема да се случи со една употреба. Тоа е можно само ако се почитуваат правилата за соодветна примена и доволно долг  период за да се покажат ефектите.

Соња Стојановска