Рамчиловиќ нов потпретседател на Собранието

Со мнозинство гласови Зекир Рамчиловиќ избран за нов потпретседател на Собранието. ВМРО-ДПМНЕ гласаше против.

Тој за оваа функција беше предложен од страна на пратеници од ДУИ и СДСМ. Рамчиловиќ ќе го пополни испразнетото потпретседателско место во Собранието на Весел Мемеди кој даде оставка од функцијата пратеник.

Неодамна Рамчиловиќ ја напушти групата независни пратеници од ВМРО-ДПМНЕ и го извести спикерот Џафери дека во Законодавниот дом ќе делува самостојно.