Сингапур- најскап град за живеење на светот

Според денеска објавената анализа на истражувачкиот тим на еминанетниот магазин „Економист“ од Лондон, што на ударни места го пренесуваат медиумите од Сингапур, најскап град за живеење на светот е градот-држава Сингапур, кој ова место го презеде од Токио.

 

Главниот град на Јапонија за лани се наоѓа на петтото место, а како најскапи на врвот на светската листа за 2013 година се Париз, Осло и Цирих.

 

Анализата е правена врз основа на цени на сто одделни трошоци, вклучувајќи ги цените на храна, облека, транспорт, туристички услуги и трошоците за лекување и образование.

 

Иако на листата на најскапите има десетина главни градови на азиските држави, поголем број градови на овој континент се наоѓаат на долниот дел. Трошоците за живот се најмали се поголем број градови на Индискиот потконтинент, а лани најевтино се живеело во главниот град на Мјанмар Јангон.

 

Изненадува податокот дека меѓу најевтините е и главниот град на Сирија, Дамаск, каде што и покрај војната цените за храна, облека и превоз останале ниски.