Сириските сили се распоредуваат во пограничната област

Сириските сили почнаа со распоредување во области во близина на турската граница на североистокот на земјата, како дел од договорот постигнат меѓу Русија и Турција.

Според информациите трупите се распоредени меѓу градовите Џавадија и Маликија, а погранична стража ќе биде поставена на шест точки во близина на границата.

Распоредувањето е дел од договорот за прекин на огнот и се однесува на територија долж североисточната граница. По постигнувањето на договорот, Русија и Турција почнаа заеднички патроли долж турско-сириската граница.