Протест против законот за извршување
Протест пред Министерството за правда против работата на извршителите. Се бара запирање на присилната наплата, отпис во целост на старите долгови и укинување на каматата...
Владата да го реши проблемот со извршителите и да ја исправи неправдата, бидејќи револтот е голем и во спротивно ќе ја земеме правдата во сопствени раце, беше истакнато на протестот. Учесниците побараа итни измени на законот за извршување.
Владата мора да избере меѓу стотина извршители или стотици илјади граѓани, побара првиот човек на Конфедерацијата на синдикатите, Ристески.
По протестот, поплаките на граѓаните беа доставени до Министерството за правда. Оттаму информираат дека лани бил извршен вонреден теренски надзор на работата на извршителите и биле поведени дисциплински постапки.
Според организаторите, и натаму ќе се протестира сѐ додека не задоволат барањата.
Марија Котовска