Концерт на Петар Македонски - труба и Надежда Цанова - пијано, Бугарија

Вечерва во рамки на фестивалот "Есенски музички свечености", вo Музејот на македонската борба свое претставување ќе имаат гостите од Бугарија Петар Македонски на труба и Надежда Цанова на пијано.

На програмата се дела од Хидас, Енеску, Евазен, Бојаџиев, Казанџиев, Гершвин.

Во 2009 год. „Концетот за пијано, труба и гудачки оркестар“ од Димитриј Шостакович откри двајца истакнати, млади инструменталисти, добитници на престижни награди од национални и меѓународни натпревари на сцената на Музичката академија во Софија.

Надежда Цанова има освоено повеќе од 20 награди на нацаионални и меѓународни нетпревари, меѓу кои: International piano competition „Flame“ – Париз, Франција, International piano competition „Mayenne“ – Франција, Sergei Prokofiev – Доњецк, Украина, Debut Berlin - Берлин, Германија. Има настапувано во: Белгија, Холандија, Франција, САД, Јапонија, Кина, Турција, Шпанија, Италија, Чешка, Германија и др. Има разновиден репертоар, не само како солист, туку и како камерен музичар. Во периодот од 2016 до 2017 година има остварено три успешни гостувања во Јапонија и Кина.

Петар Мекедонски ги има освоено првите награди од 16 натпревари, меѓу кои „Охридски Бисери“ - Р. Македонија, „Конкурс за чешка и словачка музика“ - Варна, Бугарија, „Конкурс за германска и австријска музика“ - Бургас, Бугарија. Како солист има настапувано во Франција, Германија, Италија, Швајцарија, Шпанија, Чешка, Кореја, Јапонија. Неговиот соло репертоар вклучува: концерти за труба и оркестар од Хајдн, Хумел, Неруда, Харусијан и други. Работел како прва труба во Софијската опера и балет, Софијската филхармонија, а од 2013 година е прва труба во симфонискиот оркестар на Бугарското Национално радио.

Успехот на нивниот прв концерт со Надежда Цанова е повод за нови колаборативни, креативни проекти. Ја освојуваат наградата Grand Prix на меѓународниот натпревар за „Музика и Земјата“ во 2017 година. Наградата им носи покана законцерт на Француското Национално радио во 2018 година и аудио запис на „Соната за тромпет и пијано“ на Пол Хиндемит за „Златниот фонд“ на Бугарското национално радио.

Концертот на Димитриј Шостакович е нивната визит-карта, која го изведуваат многу пати со различни диригенти и оркетри, на престижни концерти и фестивали во Бугарија, од кои последен е „Balchik classic days“ со Софијскиот солистички окрестар.