На французите што ќе одат на работа со велосипед ќе им се плаќа!
Францускиот весник „Фигаро“ пишува дека Министерот за сообраќај на Франција Фредерик Килвилие објавува мерка за поддршка за возење велосипед...
Проектот е во експериментална фаза, со неколку фирми, чии вработени ќе доаѓаат со велосипед на работа, а за тоа ќе добиваат паричен надомест. Сумата за надомест за секој поминат километар се уште не е одредена. Но, затоа фирма од Стразбур веќе прифатила на вработените да им обезбеди бесплатно место за паркирање на велосипедот, за оставање на кацигите, алат за поправка како и кабини за туширање. Имало и други заинтересирани компании-пишува „Фигаро“.
Во Белгија од 1997 година за секој поминат километар на вработените им се исплаќа во просек по 21 цент. Според пресметките на ,,Фигаро“, два милиони французи минуваатсо велосипедпо 5 километри дневно, па таквата мерка би ја чинела државата околу 20 милиони евра.
Соња Стојановска