Земјоделците од Конче ги окрупнија парцелите
Земјоделците од општина Конче се договорија да ги разменат малите земјоделските парцели. Консолидацијата на земјиштето ќе им овозможи од неколку површини да направат една поголема и на тој начин да ги намалат трошоците за обработка. Овој процес траеше 5 години со поддршка на ФАО и на Европската унија...
Земјоделците од општина Конче, се согласија да ги разменат површините и да ги окрупнат имотите. Со овој проект, кој траеше пет години со поддршка на ФАО и на Европската Унија, Конче стана првата општина во која е успешно спроведен овој процесот на окрупнување на земјоделското земјиште во државава.
Консолидацијата опфати вкупно 28 хектари поделени на 100 мали парцели и во просек еден сопственик на земјоделско земјиште во Конче поседуваше по четири ниви меѓусебно оддалечени повеќе од еден километар со високи транспортни и работни трошоци, ограничен обем на производство, намалени приходи и неможност за примена на современа технологија и агротехнички мерки.
Во завршна фаза е и уште еден проект за окрупнување во селото Егри во Битоско со подобрување на инфраструктурата, а до крајот на годината ќе почнат и активностите кај уште четири нови проекти во пелагонискиот и брегалничкиот регион во Оптичари, Логоварди, Соколарци и Спанчево.
Методија Трајков