Димитров на 26-от Министерски совет на ОБСЕ во Братислава
Шефовите на дипломатиите на земјите членки на Организацијата за безбедност и соработка во Европа ќе разменат мислења за работата и активностите во изминатиот едногодишен период, во рамките на словачкото претседавање со ОБСЕ
Министерот за надворешни работи Никола Димитров, денеска и утре, ќе учествува на 26-от Министерски совет на ОБСЕ, што се одржува во Братислава, Словачка.
Шефовите на дипломатиите на земјите членки на Организацијата за безбедност и соработка во Европа ќе разменат мислења за работата и активностите во изминатиот едногодишен период, во рамките на словачкото претседавање со ОБСЕ.
Се очекува да се усвојат и поголем број одлуки и декларации. Министерот Димитров ќе се обрати на министерскиот совет и ќе ги претстави ставовите на Република Северна Македонија за актуелните прашања на агендата на ОБСЕ.