Продолжува судњето за случајот „Рекет“, ќе сведочат Орце и Ана Камчеви

Бизнисменот Орце Камчев и неговата сопруга Ана Камчева, во Кривичниот суд се сведоци на обвинителството за случајот „Рекет“, во кој се обвинети поранешната специјална јавна обвинителка Катица Јанева и Бојан Јовановски- Боки 13.

На првото рочиште во вторникот, Јанева и Јовановски се изјаснија дека не се виновни за делото за кое се товарат. Обвинителството, рече обвинителката Рускоска, ќе докаже дека Јанева го направила тоа од алчност и дека свесно ја злоупотребила службената положба, со што ја издала довербата на народот.

Третообвинетиот Зоран Милевски- Кичеец го призна делото и во издвоена постапка доби тригодишна затворска казна.