ВМРО-ДПМНЕ: Во аферата за уништување инсулин има сомнежи за криминал

Во аферата за уништување инсулин има сомнежи за криминал, велат од ВМРО-ДПМНЕ. Според партијата, документите покажуваат дека бил уништен инсулин со валиден рок на траење.

„Ова е известување на Aгенцијата за лекови и медицински средства (МАЛМЕД) од октомври 2017-та година, што покажува дека е направена анализа на инсулинот при што констатирала дека инсулинот е во одлична состојба и не се најдени никакви недостатоци. Го повикувам Венко Филипче да каже кога е произведен инсулинот кој беше уништен, а беше со рок до 6-ти односно до 7-ми месец 2020 година“, рече портпаролот на ВМРО-ДПМНЕ, Наум Стоилковски. 

Ова отвора сомнеж дека владата и Филипче уништиле здрав инсулин за да има нов тендер каде добитник ќе биде компанија блиска до власта- велат од опозициската партија.