Владина делегација предводена од премиерот Заев во посета на Чешка

Делегација на Владата предводена од премиерот Заев, денеска ќе оствари еднодневна официјална посета на Чешката Република, соопштвува владината прес- служба.

Премиерот Заев, во придружба на вицепремиерот за европски прашања Бујар Османи и Зоран Попов, државен секретар при МНР, ќе оствари средба со премиерот на Чешката Република, Андреј Бабиш.

Премиерите Заев и Бабиш ќе имаат и тет-а-тет средба по што ќе следува и заедничката прес-конференција за медиумите.

Делегацијата на Владата ќе има средба и со претседателот на Сенатот на Чешката Република Јарослав Кубера.