За мнозинството говорот на Пендаровски е обединувачки, за опозицијата ги продлабочува разликите
За парламентарното мнозинство говорот на Пенровски е обединувачки и во насока на процесот на помирување, додека за опозицијата, шефот на државата наместо да гради мостови кон сите делови на општеството, само ги продлабочува разликите. Од ДУИ велат дека претседателот Пендаровски заедно со владата ги отвораат евроартлантските интеграции во земјава. Од движењето БЕСА и Алијансата на Албанците потенцираа дека сѐ уште е рано да се даде оценка за работата на претседателот Пендаровски...
За парламентарното мнозинство говорот на претседателот Пендаровски е обединувачки и насочен кон процесот на помирување, додека за опозицијата шефот на државата наместо да гради мостови, ги продлабочува разликите. Во владејачката СДСМ сметаат дека обраќањето овозможува создавање натпартиски стратегии за развој на државата и за постигнување на заедничко прифатливо решение, во делот на иселувањето, пописот и дигитализацијата.
Од ДУИ велат дека имаат позитивен однос кон работата на шефот на државата кој заедно со извршната власт ги отвора евроатлантските интеграции. Сепак, забележуваат на рамноправната застапеност на Албанците во кабинетот на државата.
Ова се празни зборови на претседателот, слушнавме дијагнози, но не и соодветни лекови коментираат во ВМРО-ДПМНЕ. Според Димовски од оваа партија, чии пратеници присуствуваа на обраќањето, се оправдуваат лошите политики на актуелната Влада.
Движењето Беса и Алијансата на Албанците позитивно го оценија ставот на шефот на државата за спроведување на Законот за употреба на јазиците.
Според претставниците од овие партии Пендаровски оценил и дека реформите во судството не се почнати.
Игор Панов