До петок ќе се знае името на техничкиот премиер

Кон крајот на следната недела ќе биде познато името на техничкиот премиер, најави претседателот на владата, Зоран Заев. Следниот петок ќе заседава Централниот одбор на партијата, а претходно ќе се состане и Извршниот одбор, појасни Заев.

„Од тактички причини одлуката ја одложивме за крајот на следната недела. Ќе не разберете затоа што овде се прави договор меѓу власта и опозицијата. Ние не би сакале да истрчуваме со какви било мерки. Имаме доволно време да размислиме. Се работи за избор на премиер за 100 дена“, изјави премиерот Заев.