Ако не се изгласаат реформските закони, Заев нема да се повлече од функцијата
Ако не се изгласаат реформските закони, премиерот Заев рече дека нема намера да се повлече од функцијата на 3-ти јануари. Опозицијата му порача дека бара алиби за одложување на изборите бидејќи знае дека го чека пораз и одговорност. Министерот за внатрешни, Спасовски, пак рече дека е подготвен да биде технички премиер...
Немам намера да поднесам оставка ако опозицијата продолжи да ги блокира суштинските закони за повисоки плати и пензии. На 10 дена до формирањето на техничката влада, премиерот Заев ja условува опозицијата со можно одложување на изборите. Но, е оптимист дека со дијалог ќе се изнајде решение. Заев, дециден дека СДСМ на Централен одбор в петок ќе го избере новиот премиер кој ќе ја води техничката влада, а еден од предлозите е министерот за внатрешни, Оливер Спасовски.
За ВМРО-ДПМНЕ ова е алиби за одложување на изборите и Заев не сака соочување со народот, бидејќи знае дека го чека пораз и одговорност. Потпретседателот Николоски вели дека партијата нема да ги прифати неговите уцени и го повика да не ја носи Македонија во, како што рече, длабока и тешка политичка криза за која ќе е одговорен само тој.
Од ВМРО-ДПМНЕ велат, ова не е прво алиби на Заев за одложување на изборите и дека нема да ги поддржат законите.
Викторија Милевска