Од 1-ви јануари за 10% повисоки плати во образованието

Од 1-ви јануари за 10 проценти раст на платите во образованието. Владата и СОНК го официјализираа она што го договорија минатиот месец. Согласно со спогодбата која беше потпишана, повисока плата ќе добијат вработените во основното, средното и високото образование. Синдикатот задоволен од договореното, но за претседателот Неделков, ова е само почеток на новите преговори со министерството. Адеми се пофали дека ова е трет раст на платите за просветарите.

Премиерот Заев истакна дека покачувањето на платите во образованието и науката, како и во секторите социјална заштита и здравство, потекнува од определбата буџетот за 2020-та година да биде посветен на инвестициите во човечкиот капитал. Вели, амбиција на Владата е да се создаде образовен систем што ќе биде генератор на општествениот и економскиот развој.

Со покачувањето, вкупниот раст на платите ќе изнесува 20,6 насто. Повисока плата треба да добијат 32.700 вработени во овој сектор.

Викторија Милевска