Епидемија на жолтица во населбата Даме Груев во општина Ѓорче Петров

Министерството за здравство прогласи епидемија на заразна жолтица во населбата Даме Груев, општина Ѓорче Петров, каде од вкупно пријавени девет случаи од 11-ти ноември до 23-ти овој месец, седум случаи се епидемиолошки поврзани.

И во општина Шуто Оризари се регистрирани две епидемиолошки поврзани случаи, односно две сестри се заразени со жолтица, но нема индикации за пријавување на епидемија во Општината.

Во периодот од 1-ви септември до 26-ти декември, на подрачје на Скопје регистирани се вкупно 68 случаи на заразна жолтица од кои 48 случаи се диференцирани како вирусен хепатитис А и 20 случаи се вирусен неозначен хепатитис.

Во споредба со 2016 година, забележан е зголемен број на случаи. Пред три години биле регистрирани шест случаи, 2017 – 35 случаи и 2018 година – 28 случаи.

Министерството за здравство апелира до граѓаните да се следат препораките за санитарно-хигиенски и противепидемиски мерки.