Судијата Зоран Теофиловски сам се пријавил во Кривичниот суд

Актуелниот член на Судскиот совет, судијата Зоран Теофиловски, кој беше недостапен за полицијата, изутрината сам се пријавил во Кривичниот суд. Сега на потег е Судскиот совет кој за 24 часа треба да се состане и да одлучи дали ќе му го одземе имунитетот или не.

Судијата Теофиловски е осомничен за истрага што ја отвори Обвинителството за организиран криминал, а во врска со нелегална приватизација на земјиште. Во истата истрага осомничени се уште седуммина, меѓу кои и поранешни вработени во Општина Тетово, кои по барање на членот на Судскиот совет легализирале објект кој не постоел, а потоа бил продаден.

Штетата е проценета на 860.000 евра.