Грција не е за санкции против Русија

Грчкиот министер за надворешни работи, Евангелос Венизелос изрази  стравување во врска со можноста ЕУ да воведе санкции против Русија поради военото присуство во Украина.

 - Санкциите, за жал, секогаш се со две острици, со последици за оние кои ги трпат , но исто така и за оние кои ги наметнуваат, изјави синоќа Венизелос, еден ден пред денешниот вонреден состанок на лидерите на ЕУ во Брисел за кризата во Украина.

- Ние не сакаме санкции, истакна Венизелос, неколку часа пред премиерот Андонис Самарас да замине за Брисел. Весникот „Катимерини“ цитира извори во Министерството за надворешни работи, според кои Атина не сака да го изгуби новиот импулс во грчко- руските односи, особено откако руски инвеститор изрази интерес за учество во грчката железница „Траиносе“ и солунското пристаниште.

 „Постојат стравувања дека можното воведување санкции против Русија би можело да ги одврати потенцијалните инвеститори. Изворите посочија дека, сепак, грчките дипломати веруваат дека  финансиска војна меѓу Брисел и Украина не е во интерес на ЕУ и веројатно ќе се избегне“, коментира весникот.