Димковски: Продолжува спроведувањето на мерките во земјоделството

Функционирањето на институциите мора да биде во интерес на граѓаните. Тие не смеат да бидат жртви на опструкции, препукувања и блокади во предизборниот период. Продолжува спроведувањето на мерките во земјоделството- вели министерот Димковски. И во следниот период продолжува навремената исплата на субвенциите, нема поништување на јавните повици за државно земјиште под закуп.

„Започнатите процеси за реформи во секторот, ќе продолжат и оваа година, затоа што земјоделството е наша стратешка гранка, а оваа Влада со своите политики покажа што значи вистинска грижа за земјоделците и развој на земјоделството. Притисоците и селективноста не се наша одлика. Ние не ги злоупотребуваме институциите како што тоа го правеше претходната Влада. Нема веќе исплата на субвенции по списоци, секој земјоделец што ги исполнува условите е навреме исплатен“, нагласи министерот за земјоделство, Димковски.

Ова е период кој е од исклучително значење за нашата држава, но истовремено и период во којшто граѓаните очекуваат нормално функционирање на сите институции- рече министерот за земјоделство.