Пендаровски: Ратификацијата на НАТО протоколот во Шпанскиот парламент е можна во почетокот на март

Македонскиот претседател Пендаровски, првите дипломати на САД и на Европа, како и Советот на амбасадорите, на конференција во Скопје ги искажаа ставовите за скорешното полноправно членство во НАТО, но и очекувањата од Брисел за датумот за преговори за земјата.

Според шефот на државата, ратификацијата на македонскиот НАТО протокол во Шпанскиот парламент е можна во почетокот на март. Пендаровски очекува усвојување на новата методологија за почеток на преговорите на самитот во Загреб, за време на хрватското претседавање.

Одлуката, соопштува кабинетот на претседателот, е важна за оптимизмот во земјата која што треба да спроведе фер, слободни и демократски избори во април. Ставот на амбасадорите на Италија, Франција, Германија и САД за датум за преговори во мај е афирмативен, но земјата треба да работи и на реформите, особено во делот на владеењето на правото и борбата против корупцијата.