Горивата поевтинуваат од полноќ

Дизелот поевтинува за два денара, бензинот од 95 октани и есктра лесното за 1,5 денар, Еуросупер 98 со пониска цена за еден денар. Регулаторната комисија за енергетика ја направи пресметката.

Во просек, малопродажните цени на нафтените деривати се намалуваат за 2,82 процента, како резултат на пониските цени на светските берзи.

Новата цена на дизелот, која ќе важи од полноќ, изнесува 58 денари за литар. Бензинот од 95 октани ќе се продава за 66 денари, а оној од 98 октани за 68,5 денари. Новата цена на екстра лесното е 47,5 денари. Поевтинува и мазутот и ќе се продава за 34,922 денара за килограм.