Обвинение за лице кое му се заканувало на Заев на „Фејсбук“

Основното јавно обвинителство Скопје поднесе Обвинителен предлог против едно лице кое на Фејсбук му се зканувало на доскорашниот премиер Зоран Заев.

Обвинетиот кој се товари за продолжено кривично дело загрозување на сигурноста, во објавените коментари повикувал на физичка ликвидација на оштетениот и ја загрозил неговата сигурност.

Во периодот од 23.07.2019 година до 24.07.2019 година, во повеќе наврати извршил временски поврзани дејствија што претставуваат повеќекратно остварување на истото дело, соопшти денеска Јавното обвинителство.

Тој е обвинет дека преку информатички систем, на својот профил на социјалната мрежа „Фејсбук“, објавил повеќе закани дека ќе стори кривично дело за кое е пропишана казна затвор од најмалку пет години, се појаснува во соопштението од Обвинителството.