Домот на Пабло Ексобар- луксузен хотел со бурно минато

Домот на Пабло Ескобар стана луксузен хотел. За ова биле издвоени 17,5 милиони долари.

Туристичкиот комплекс е направен на имотот на нарко-босот, кој се наоѓа на самата плажа во Тулум. Оваа локација се смета за најпопуларна туристичка дестинација на полустровот Јукатан.

Всушност, само дел од вилата на Пабло Ескобар е купен, и тоа Каса Малка за 17,5 милиони долари, додека за вложување и средување се издвоени уште 100 милиони.

Луксузниот комплекс ќе има само 42 единици за сместување, но секако пространи и совршено уредени. Хотелот, иако се наоѓа на плажа има и два базени. Во комплексот се наоѓаат и два ресторани и низа продавници на познати марки.

Иако не сметаат сите дека врската на овој објект со бруталниот Ескобар е добра за работата, токму тоа и придонело многу личности да се интересираат за Тулум, а со самото тоа и многу туристи имаат желба да го посетат ова место.