„Дура Аутомотив“ ќе гради две фабрики во „Бунарџик“

Американската компанија „Дура Аутомотив“ почна да гради нови капацитети во зоната „Бунарџик“. Во нив ќе се произведуваат алумининиумски рамки за литиумски батерии и профили кои ќе се вградат во електрични автомобили.

Инвестицијата со петгодишниот план се проценува на 48 милиони евра. Во фабриката треба да се вработат околу 1.000 луѓе.

„Светскиот пазар на автомобили се префрла кон електрични возила. Ваквата промена предизвикува неверојатни достигнувања во технологијата на батерии. Дура ќе започне со нов погон кој што ќе има два проекти. Во првиот ќе се врши екструзија на алуминиум, а во вториот ќе се произведуваат носачите на батерии“, изјави Мајк Бекет, директор на „Дура Аутомотив“

Компанијата планира да отвори Центар за истражување и развој. Од кадар има потреба од висококвалификувани инженери, инженери за компјутерски дизајн и експерти за машини.

„Веќе е изграден првиот проект на Дура каде што ги има сите можни инсталации“, вели директорот на Дирекцијата за трговски и индустриски развојни зони, Александар Младеновски.

„Со фокусирани и храбри економски политики успеавме да отвориме близу 60 илјади работни места за само девет квартали во изминатите две и пол години“, нагласи премиерот Оливер Спасовски.

Надлежните велат дека се очекува со членството во НАТО да се привлечат нови странски инвестиции.

Дијана Ценевска