Нов концепт, дали и поинтересен?

Возачот на Ферари Фернандо Алонсо смета дека новите правила за претстојната сезона во Ф1 шампионатот комплетно ќе го сменат пристапот кон трките и квалификациите.

Продолженото време за третата квалификациска сесија и новиот дополнителен  сет пневматици според Алонсо ќе ги направат квалификациите многу поинтересни бидејќи возачите нема да размислуваат за штедење на гумите и ќе притискаат до максимум за што подобра стартна позиција, за разлика од трките каде што особено во завршницата ќе мора да размислуваат на штедење на горивото и пневматиците.

„Треба да бидете многу паметни сето тоа да го ускладите и да го избалансирате за да го довезете болидот до целта“- вели  Алонсо за официјалната веб-страница на Ферари.