Комисијата за заразни болести ќе одлучува за прекин на наставата во училиштата поради грипот

Денеска Комисијата за заразни болести ќе одлучува дали ќе препорача прекин на наставата во училиштата поради грипот. На одлуката чекаат и во Министерството за образование, бидејќи изминатиот период вирусот најмногу се ширеше во училиштата.

Според податоците од Институтот за јавно здравје, досега се регистрирани над 10.700 случаи со грип.

Поради компликации од грип починаа повозрасен маж и 14-годишно девојче. На инфективната клиника се лекуваат 40 лица, а еден е на апарати за дишење.