Ангеловска: Буџетот е во добра кондиција, имаме капацитет да се справиме со какви било шокови

Бизнисот будно ја следи состојбата со коронавирусот, ширењето на зараза во странство засега нема директно негативно влијание. Покрај пазарот на капитал, на удар се туризмот и кожарската индустрија. Домашната економија е во добра кондиција, буџетот е ликвиден- уверуваат од министерството за финансии.

„Буџетот е во добра кондиција во првите два месеца и имаме капацитет во секој момент да се справиме со какви било шокови“, вели министерката за финансии Нина Ангеловска. Додава дека рано е да се зборува за финансиски штети поради коронавирусот

Првична реакција, како што рече Ангеловска, имаше на пазарот на капитал, а засега се можни евентуални последици во транспортната и туристичката дејност поради откажаните аранжмани, како и кожарската индустрија што соработува во регионот на Северна Италија.