Шеќеринска: Подготвени сме за сите сценарија
Системот функционира, подготвени сме за сите можни сценарија, уверува министерката Шеќеринска во однос на состојбата на јужната граница. Армијата помага на цивилните структури за справување со предизвиците. Секојдневна е комуникацијата со Фронтекс и со земјите што имаат свои полицајци на дел од јужната граница. Црвениот крст е фокусиран на обезбедување стокови резерви и прифаќање на евентуалниот бран бегалци...
Подготвени сме за сите можни сценарија, системот функционира, уверува министерката за одбрана Шеќеринска. На јужната граница е зголемен бројот на припадниците на полицијата и армијата која помага на цивилните структури во справување со предизвиците. Комуникацијата со Фронтекс и со земјите што имаат свои полицајци долж граничната линија е на дневна основа. Управувачкиот комитет побарал да продолжи нивниот ангажман.
Апелираше, да не се шират лажни вести и дезинформации, посочувајќи ја веста за наводно насилство и проблеми на границата кај Битола. И покрај одредени критики зошто се продолжува кризната состојба, се покажа дека бевме во право, имајќи во предвид дека ситуацијата од 2015-та може да се повтори.
Црвениот крст е фокусиран на обезбедување стокови резерви и прифаќање на евентуалниот бран бегалци. Подготвени сме за околу 10 илјади лица што би транзитирале и за околу 200-те од нив што би се сместиле во прифатните центри за период од еден месец. Подготвени сме и ако ситуацијата ескалира, вели генералниот секретар Саити.
Лани, Црвениот крст им помогнал на 37 илјади мигранти кои транзитирале низ земјава, во февруари годинава на 4.700, а во камповите престојувале 309 мигранти.
Милчо Велески