Акумулациите сѐ уште празни
Последните врнежи беа корисни за земјоделството, но не помогнаа многу во полнењето на акумулациите кои се речиси празни. Иако дневните температурите се повисоки, опасност од утрински мразеви и измнрзнување кај овошките сѐ уште постои.
Промената на времето и врнежите од дожд и слаб снег на планините во изминатиот период беа добредојдени за земјоделството највеќе во централните и јужните делови во земјава каде што сушата беше особено изразена кај есенските посеви, а количествата на врнежите беа од 25-35 литри на квадратен метар.
Влажниот бран во текот викендот и пообилните врнежи дополнително ја подобрија состојбата со влага во почвата. „Жедната“ за вода земја целосно ги впи наврнатите количества и го зголеми процентот на влажноста.
Сепак од ова немаше голема корист и придонесе сосема малку за полнењето на акумулациите кои се речиси празни.
Минималните утрински температури на воздухот во наредниот период ќе се движат околу нула додека дневните од 15-18 степени што ќе помогне за почеток и будење на вегетацијата кај коскестите видови на овошки и цветањето особено кај раните сорти на кајсијата, бадемот и на слива.
Оваа година сите овие процеси се изведуваат многу порано, а услови за ниски минимални температури сеуште постојат, затоа што просечните датуми на последна појава на мраз во пролет се во третата декада од месец март.
Методија Трајков