Ученици во изолација, Богоев апелира на смиреност

Во домашна изолација се испратени децата чии што родители биле на симпозиум со директорката на кожната клиника, заразена со коронавирус. Во изолација се и двајца ученици од училиштето „Братство“ од скопски Карпош, каде што докторка од дерматологија одржала предавање. Таков е случајот и со тројца ученици од основното училиште „Владо Тасевски“ и со уште двајца од „Јан Амос Коменски“. Општина Карпош апелира на смиреност. Се набавуваат средства за дополнителна дезинфекција на училиштата.

„Свесни сме за паниката која се шири по основните училишта и градинките. Набавуваме дополнителни средства за хигиена, а покрај направената редовна дезинфекција, следува и вонредна дезинфекција на воспитно- образовните установи. Повикувам на смиреност“ – истакна градоначалникот Богоев при денешната посета на училиштето „Јан Амос Коменски“.