Природни науки, Математика, Музичко образование денеска на „ТВ Училница“
Во рамки на едукативната програма „ТВ училница“ на МРТ учениците денеска ќе можат да проследат повеќе лекции по различни предмети што ги изучуваат на училиште...
Денеска со почеток од 10:30 часот на МРТ 1 во рамки на „ТВ Училница“ училишен час по Природни науки, за прво одделение, Математика, за прво и второ одделение, Музичко образование, за второ одделение и Слободно време (од прво до трето одделение) на македонски наставен јазик ќе ги одржи одделенскиот наставник Билјана Ивановска од ООУ „Вера Јоциќ“ од Општина Гази Баба.
Со почеток од 12:30 часот, пак на МРТ 2 истите предмети на албански наставен јазик ќе ги одржат одделенските наставници Хатиџе Топали од ООУ „Петар Здравковски – Пенко“ и Мерита Ајдини од ООУ „26 Јули“ од Општина Шуто Оризари.