Стабилни резервите на крв

Институт за тарнсфузиона медицина соопшти дека располага со задоволителни количества на крвни продукти. Заедно со Црвениот Крст направена е стратегија, план и распоред на крводарителски акции за следната недела која ќе биде објавена на 22-ри март, и секако доколку има потреба ќе се промени врз основа на епидемиолошката анкета, како превентивна заштитна мерка за ширење на Ковид-19.

Од институтот велат, крводарителите да не даруваат крв ако во последните 28 дена патувале надвор од земјата, имаат симптоми на настинка, покачена телесна температура, малаксаност или отежнато дишење, како и ако биле во контакт со некој кој патувал или лице со гореспоменатите симптоми.