Владата донесе дополнителни ограничувања на движењето на граѓаните
Забраната за движење за сите граѓани од 21до 06 часот, се заменува со ограничување на движењето од 21 до 05 часот. Се забранува движењето на граѓаните над 67 години од 11 часот до 05 часот следниот ден. За младите до 18 години, забраната за движење ќе започнува во 21 часот и ќе трае до 12 часот наредниот ден...
На 26-тата седница на Владата на Република Северна Македонија е донесена одлука за измени и дополнувања на одлуката за ограничување на движењето на граѓаните на целата територија во земјата.
Забраната за движење за сите граѓани од 21:00 до 06:00 часот, се заменува со ограничување на движењето од 21:00 до 05:00 часот заради гужвите што се создадоа во јавниот превоз и заради потребата на граѓаните да стигнат на работните места во утринските часови.
Дополнително, Владата донесе одлука да се забрани движењето на граѓаните над 67 години од 11:00 часот до 05:00 часот следниот ден.
Владата на вечерашната седница донесе уште една одлука за ограничување на движењето на младите до 18 години и за нив забраната за движење ќе започнува во 21 часот и ќе трае до 12 часот наредниот ден.
Новите одлуки за ограничување на движењето ќе важат од 24 март 2020 година.