Жбогар: ЕУ ќе ѝ помогне на Северна Македонија за справување со коронавирусот

25.03.2020 10:05

Евроамбасадорот ја поздрави и одлуката на ЕУ за старт на пристапните преговори со земјава...

Евроамбасадорот Самуел Жбогар преку својот Твитер профил ја најави помошта од ЕУ за  Македонија за справување со коронавирусот.

„Сите сме заедно во борбата против злобниот вирус. Во ова време на потреба, ЕУ ќе ја поддржи Северна Македонија до 4 милиони евра за итни потреби, 50 милиони за социјално и економско закрепнување, 9 милиони за приватниот сектор и до 3 милиони евра директна буџетска поддршка“, напиша евроамбасадорот Жбогар.

Тој ја поздрави и одлуката на ЕУ за старт на пристапните преговори со земјава.

„Горд сум што и во овие тешки времиња, земјите членки на ЕУ ги признаа напорите на Македонија и решија да започнат преговорите за пристапување. Започна нашето заедничко патување“, вели евроамбасадорот Самуел Жбогар.