Потребни се мерки кои на долг рок ќе ги заштитат работниците и посиромашните граѓани

Куповната моќ се намалува, бројот на невработените се зголемува, а забележан е раст и на кредитите. Расте и јавниот долг во бруто домашниот производ. Економските аналитичари велат дека според анализите Ковид кризата се чувствува и врз економијата. Посочуваат дека досегашните мерки на Владата ги постигнаа ефектите, но велат на подолг рок потребни се мерки со кои директно ќе бидат заштитени работниците и посиромашните граѓани.

Според Министерството за финансии заклучно со вториот квартал од годинава јавниот долг достигнал 59, насто од БДП. Според Јовановиќ оправдан е растот на јавниот долг, поради обезбедување средства за спроведување на анти-кризните мерки.

До крајот на годината, поголемо повлекување ќе се случи со првата транша од заемот за макрофинансиска помош од Европската комисија во износ од 80 милиони евра. Поголема отплата е наменета на Еврообврзницата земена во 2015 година, главнина за заемот од Дојче банка во износ од 13,5 милиони евра и краткорочниот заем од домашните комерцијални банки.

Дијана Ценевска