Бензините поскапуваат за половина денар, дизелот поевтинува

Од полноќ бензините поскапуваат за половина денар. Литар безоловен бензин БС-95 ќе се продава за 60 денари, додека БС-98 за 62 денари. Малопродажната цена на дизелот се намалува за половина денар и литар ќе се продава за 52,50 денари. Исто така поевтинува и екстралесното масло за денар и литар ќе чини 52 денари. Новата цена на мазутот се намалува за 0,351 денар за килограм и овој дериват ќе се продава за 25,709 денари.

Причини за овие промени на цените според Регулаторната комисија за енергетика се промените на референтните цени на светските берзи, како и понискиот курс на денарот во однос на американскиот долар.