Почина писателот и хроничар Данило Коцевски

По кратко боледување почина писателот и хроничар на Скопје, Данило Коцевски. Роден е 1947 година во Куманово. Дипломирал на Филозофскиот факултет во Скопје. На Интердисциплинарните студии по новинарство на скопскиот универзитет ги држел вежбите по теорија и практика. 

Тој е еден од иницијаторите за основање на Институтот за македонска литература во почетокот на 80-тите години.  Член е на Друштвото на писателите на Македонија од 1973 година, а со група еминентни македонски писатели го основал и Здружението на независни писатели. 

Во 1967 година се вработува во редакцијата на весникот „Млад борец“, а подоцна преминува и во културната редакција на тогашната Радиотелевизија Скопје. Има објавено 30-тина дела од најразлични жанрови. 

Освен книги, пишува и драми од кои неколку се наградени. Познат е како хроничар на Град Скопје. 

Данило Коцевски е погребан на градските гробишта Бутел.