Димитров: Ново поглавје во односите со Грција, блиска соработка и поддршка на европскиот пат

Во рамките на првата владина посета во странство предводена од премиерот Заев, вицепремиерот за европски прашања, Никола Димитров поладнево во Атина ќе има и одвоени средби со министерот за надворешни работи на Грција, Никос Дендиас и со алтернативниот министер задолжен за европски прашања, Милтиадис Варвициотис.

Главна тема на средбите ќе биде поддршката и помошта на Грција за почетокот на пристапниот процес на Северна Македонија со ЕУ, како суштински дел во новото поглавје на односите меѓу двете соседни земји.