Хоспитализирани вкупно 332 пациенти заразени или сомнителни на Ковид-19
Во изминатото деноноќие се регистрирани 178 новозаразени, 1.368 тестирања, а 4-ца пациенти починале. Двајца од Скопје, пациент од Куманово и пациентка од Штип, сите во болнички услови.
Во болниците низ земјава се хоспитализирани вкупно 332-ца пациенти кои се заразени или сомнителни на Ковид-19, покажува последниот извештај на Министерството за здравство.
Од нив, само еден е на респиратор и е сместен во градската општа болница „8-ми Септември“. Во изминатото деноноќие се регистрирани 178 новозаразени, 1.368 тестирања, а 4-ца пациенти починале. Двајца од Скопје, пациент од Куманово и пациентка од Штип, сите во болнички услови.
Институтот за јавно здравје регистрира 71 оздравен пациент. Вкупната бројка на ковид дијагностицирани од почетокот на епидемијата изнесува 16.735. На оздравени е 13.863, а починаа 693. Активни случаи има 2.179.