Eксклузивен концерт на Mакедонската филхармонија со обоистот Oгринчук

Највисоката музичка критика на овој начин се изразува за големиот руски обоист Алексеј Огринчук, кој од својата тринаесета години концертира низ цела Европа, Русија и Јапонија.

Македонската филхармонија ќе има чест да настапи со овој етаблиран музичар на 13 март 2014 година во Фоајето на МОБ, со почеток во 20:00 часот, на концертот симболично насловен „Обоата на Алексеј“. Алексеј ќе настапи како солист во Концертот за обоа и оркестар од Јозеф Хајдн, едно од најпопуларните дела за обоа, а исто така ќе се претстави и како диригент, водејќи го оркестарот низ прекрасните класици: Соната бр. 1 од Џоакино Росини, исклучително ретко изведуваната Симфонија бр.24 од В. А. Моцарт, како и романтичната Серенада за дувачи, виолончело и контрабас од Антонин Дворжак.

Билетите за овој ексклузивен настан се во ограничен број и само мал дел од македонската публика ќе има можност да ја доживее интимната атмосфера на концертот.

Билетите се во продажба на билетарата на Македонската филхармонија во Дом на АРМ.