Италија: Бројот на пратеници се намалува за една третина

Италијанците го поддржаа предлогот за намалување на бројот на парламентарци. Според одлуката од референдумот кој се одржуваше два дена, наместо 945, сега во Долниот дом и во Сенатот ќе има 600 пратеници. Речиси 63% од граѓаните ја поддржале оваа опција. И покрај пандемијата со Ковид-19, излезноста беше над 50%. Од владејачкото Движење 5 ѕвезди, тврдат дека со ваквиот резултат ќе се намалат расходите, а ќе се зголеми ефикасноста на законодавниот дом.

„Изгледа дека антиполитичкото расположениe е сè уште силно во Италија. Причината зошто повеќето гласаа за намалување на парламентарците е желбата да се има помалку политичари. Ова може да биде шанса за поефикасни процедури, за преиспитување на релацијата меѓу владата и парламентот. Може да биде одлична можност за подобрување на институциите кои не се многу продуктивни. Но мора да се внимава таа да не се експлоатира од сегашното мнозинство, кое и натаму е слабо и поделено“, изајви Џовани Орсина, професор по политички науки.

Парламентот ќе мора да го смени системот на гласање пред следните национални избори во 2023 година.