Повеќе од 40 фирми заинтересирани за јавно- приватно партнерсто за фотонапонска електрана во Осломеј

Над 40 странски и домашни компании се заинтересирани за јавно- приватно партнерство при изградба на фотонапонската електрана во Осломеј. Тие учествуваа на он- лајн презентацијата за локацијата за двете фотоволтаични електрани во Осломеј.

Во овој проект што треба да се реализира преку моделот на јавно-приватно партнерство јавен партнер во име на државата е ЕСМ, а консултант е компанијата АФ- Консалт.

Поради рестрикцијата наместо планираната посета на самата локација, потенцијалните инвеститори учествуваа на виртуелниот состанок на кој беа презентирани снимки од дрон на теренот.

Крајниот рок за доставување на понуди е 28-ми октомври годинава, по што ќе почне изборот на најповолниот понудувач. Се планира изградбата на електраните да започне во 2021-ва година.