Нагорно- Карабах: Ескалира судирот, соборен авион на азербејџанските сили

Армијата на Нагорно- Карабах собори авион на азербејџанските сили, изјави портпаролот на претседателот на републиката. Азербејџанската страна ги отфрли обвинувањата за соборувањето на авионот како неточни.

Властите во регионот Нагорно-Карабах во Азербејџан, пак, каде што живее мнозинство ерменско население, соопштија дека загинале уште 26 нивни војници.

Ерменските и азербејџанските сили неколку дена по ред разменуваат жесток оган околу територијата на Нагорно- Карабах.

Двете страни се обвинуваат меѓусебно за употреба на тешка артилерија.