Ковид -19: Нови научни истражувања за мутацијата на вирусот

Сепак, ова истражување не открива дека овие мутации го направиле вирусот посмртоносен или го смениле клиничкиот исход на болеста. Сите вируси имаат генетски мутации, а повеќето се незначителни, тврдат научниците.

Корона вирусите како SARS-CoV-2 се релативно стабилни како што се развива вирусот бидејќи имаат механизам за корекција кога се реплицираат. Сепак, секоја мутација е ризик, а ширењето на Ковид-19 низ целиот свет значи дека вирусот има многу можности да се промени на проблематичен начин, покажува студијата на авторот Џејмс Масер од болницата „Хјустон Методист“.

Новата студија, која сè уште не е разгледана, е досега најголемата единечна агрегација на генетски низи на вирусот во Америка. Единствената голема серија низи во светот беше објавена на почетокот на септември од страна на научници од Велика Британија и тие дојдоа до идентичен заклучок - мутација што ја менува структурата на „шилестиот протеин“ на површината на вирусот е веројатно одговорна за брзото ширење на тој посебен вид.

Дејвид Моренс, вирусолог од Националниот институт за алергија и заразни болести на САД, изјави по прегледувањето на студијата дека постои голема можност вирусот, движејќи се низ светската популација, да стане заразен со текот на времето и да влијае на нашата способност за контрола.

„Ова е една студија и не можеме да претеруваме во заклучоците само врз основа на тоа, но укажува на тоа дека вирусот може да престане да реагира на нашите обиди да го спречиме, како што е носење маска или физичко растојание, со случајни мутации“, додаде Моренс.

„Носењето маски, миењето раце, сето тоа е пречка за ширење, но како што вирусот станува сè позаразен, статистички е подобро да се заобиколат тие бариери“, рече тој.

Сето ова може да влијае на развојот на вакцината. Бидејќи луѓето стекнуваат имунитет, без разлика дали се од инфекција од минатото или вакцина, вирусот може да биде под селективен притисок за да се избегне имунолошки одговор на човекот.

Дијана Гогова