Синеворлд привремено ги затвора сите кина во САД и Велика Британија поради пандемијата
Вториот по големина синџир на киносали во светот, Синеворлд, од 9-ти октомври привремено ќе ги затвори сите кина во САД и Велика Британија затоа што, поради пандемијата на коронавирусот премиерите беа одложени до крајот на годината, вклучувајќи го и најновиот филм за Џејмс Бонд. Тие соопштија дека ќе затворат 536 кино сали во САД и 127 во Велика Британија, што ќе влијае на околу 45.000 вработени.
„Ние не ја донесовме оваа одлука лесно“, изјави извршниот директор на Синеворлд, Муки Градерингер.
Последниот во низата откажани премиери е најновиот филм за Џејмс Бонд, а дел од причината е што еден од најголемите пазари во САД, Њујорк не планира повторно да ги отвори киносалите во земјата.
Синеворлд е во големи долгови и се бори со последиците од пандемијата на коронавирусите.
Групите што ги претставуваат сопствениците на театар, филмските студија и режисери минатата недела побараа од американските законодавци да им дадат олеснување на киносалите.
Во писмото, меѓу другото, потпишано од Стивен Спилберг, Кристофер Нолан, Клинт Иствуд и Мартин Скорсезе, се предупредува дека ако продолжи статус квото, скоро 70 проценти од малите и средни кина би можеле трајно да се затворат.
Дијана Гогова